Ceyhun Bayramov İstanbulda Gürcüstanın xarici işlər naziri Maka Boçorişvili ilə ikitərəfli görüş keçirib. Görüş zamanı tərəflər Azərbaycan və Gürcüstan arasında mövcud dostluq və strateji əməkdaşlıq münasibətlərinin inkişafı, regional təhlükəsizlik məsələləri, eləcə də siyasi və iqtisadi sahələrdə qarşılıqlı əlaqələrin genişləndirilməsi istiqamətində fikir mübadiləsi aparıblar.Tərəflər həmçinin iki ölkə arasında mövcud olan yüksək səviyyəli dialoqun qorunub saxlanılmasının və gələcəkdə daha da gücləndirilməsinin vacibliyini vurğulayıblar. Görüşün səmimi və konstruktiv mühitdə keçdiyi bildirilir.
Ceyhun Bayramov İstanbulda keçirilən Azərbaycan, Gürcüstan və Türkiyə xarici işlər nazirlərinin 10-cu Üçtərəfli Görüşü çərçivəsində Gürcüstanın xarici işlər naziri Maka Boçorişvili ilə baş tutan ikitərəfli müzakirələrin detalları barədə məlumat paylaşıb.Nazir qeyd edib ki, İstanbulda keçirilən bu mühüm platforma çərçivəsində həm regional əməkdaşlıq, həm də ikitərəfli münasibətlər baxımından geniş və məzmunlu fikir mübadiləsi aparılıb. O, Gürcüstanlı həmkarı ilə görüşdən məmnunluğunu ifadə edərək, Azərbaycan və Gürcüstan arasında mövcud olan strateji tərəfdaşlığın yüksək səviyyədə inkişaf etdiyini xüsusi vurğulayıb.Müzakirələr zamanı iki ölkə arasında energetika, nəqliyyat və kommunikasiya sahələrində həyata keçirilən birgə layihələr, həmçinin regionun geosiyasi vəziyyəti və son proseslər ətrafında ətraflı fikir mübadiləsi aparılıb. Tərəflər bu istiqamətlərdə əməkdaşlığın daha da genişləndirilməsinin vacibliyini qeyd ediblər.Eyni zamanda, “Orta Dəhliz” və Bakı-Tbilisi-Qars dəmiryolu xətti kimi strateji əhəmiyyət daşıyan layihələrin regionun iqtisadi inteqrasiyası və beynəlxalq ticarət əlaqələrinin gücləndirilməsi baxımından mühüm rol oynadığı diqqətə çatdırılıb.
