Konstitusiya Məhkəməsi Ermənistan və ABŞ arasında strateji əməkdaşlıq sənədinin əsas müddəalarını konstitusiyaya uyğun hesab edib
Elpress.az xəbər verir ki, Ermənistan Konstitusiya Məhkəməsi ABŞ-la TRIPP layihəsi çərçivəsində imzalanmış strateji əməkdaşlıq haqqında sazişin ölkə Konstitusiyasına uyğunluğu ilə bağlı araşdırmanı başa çatdırıb.Məhkəmə araşdırmanın nəticəsində saziş üzrə Ermənistanın üzərinə götürdüyü öhdəliklərin Konstitusiyanın tələblərinə zidd olmadığı qənaətinə gəlib.Qərarın tam mətninin üç gün ərzində açıqlanacağı bildirilib.TRIPP layihəsi — “Trump Route for International Peace and Prosperity” təşəbbüsü çərçivəsində Ermənistan və ABŞ arasında strateji əməkdaşlığı nəzərdə tutur. Saziş 2026-cı ildə imzalanıb. Ermənistan hökuməti iyul ayında sənədin ratifikasiyası prosesinə başlayaraq onu Konstitusiya Məhkəməsinə təqdim edib.
