Aysel Əlibəyli
16 Sentyabr 2026 · 15:03
1008 baxış
Şimali makedoniyalı mütəxəssislə 1+2 illik müqavilə imzalanıb
Elpress.az xəbər verir ki, “Qəbələ” futbol klubunun yeni baş məşqçisi müəyyənləşib. Şimali makedoniyalı mütəxəssis Yeton Bekiri komandanın baş məşqçisi təyin olunub.44 yaşlı məşqçi ilə 1+2 illik müqavilə imzalanıb. Bekiri son olaraq ölkəsinin “Şkendiya” klubuna rəhbərlik edib.O, karyerası ərzində Şimali Makedoniyanın “Drita”, “Qostivar”, “Renova” və “Struqa”, həmçinin Albaniyanın “Bilis” komandalarında baş məşqçi kimi çalışıb. Bekiri Səudiyyə Ərəbistanının “Əl-Cabalayn” klubunda isə idman direktoru vəzifəsini tutub.Mütəxəssis 2024-2025-ci illər mövsümündə “Şkendiya” ilə Şimali Makedoniya çempionluğunu qazanıb.Yeton Bekiri “Qəbələ”də fəaliyyətinə sentyabrın 20-dən başlayacaq.
