İyulun 12-si İntibah dövrünün görkəmli humanisti, filosofu və yazıçısı Rotterdamlı Erazmın anım günüdür.
Elpress.az Kulis.az-a istinadən bildirir ki, İntibah dövrü humanizminin banilərindən biri hesab olunan holland yazıçısı və filosofu Rotterdamlı Erazm 1465-ci ildə Hollandiyanın Rotterdam şəhərində anadan olub. O, dövrünün ən nüfuzlu ziyalılarından biri kimi tanınıb və Avropada humanist düşüncənin formalaşmasına mühüm töhfələr verib.Erazm dini islahatların vacibliyini qəbul etsə də, bu dəyişikliklərin kilsə daxilində sülh yolu ilə həyata keçirilməsinin tərəfdarı idi. Məhz bu səbəbdən o, protestant islahatının lideri Martin Lüterin hərəkatına qoşulmayıb.Humanist alim hesab edirdi ki, dini parçalanma cəmiyyət üçün ağır nəticələr doğura bilər. Buna görə də o, kəskin qarşıdurmalardan uzaq durmağa üstünlük verərək dialoq və islahat yolu ilə dəyişikliklərin mümkün olduğuna inanırdı.Rotterdamlı Erazmın irsi bu gün də humanizm, təhsil, azad düşüncə və dini tolerantlıq sahəsində mühüm əhəmiyyət daşıyır.
