Aysel Əlibəyli
26 İyul 2026 · 18:49
1108 baxış
Xalq şairi Nəriman Həsənzadənin səhhətində yenidən ağırlaşma baş verib və o, süni tənəffüs aparatına qoşulub.
Elpress.az xəbər verir ki, bu barədə şairin köməkçisi, Əməkdar incəsənət xadimi Arif Mehmandost məlumat verib.
Onun sözlərinə görə, son günlər Nəriman Həsənzadənin vəziyyətində ciddi dəyişiklik qeydə alınmayıb. Hazırda şair həkim nəzarəti altında müalicəsini davam etdirir və vəziyyəti stabil qiymətləndirilir.
Bildirilib ki, son 2-3 gün ərzində səhhətində yaxşılaşma müşahidə olunmasa da, vəziyyətinin daha da pisləşməsi qeydə alınmayıb.
Qeyd edək ki, 95 yaşlı Xalq şairi bir müddətdir xəstəxanada müalicə alır və həkimlərin nəzarəti altında saxlanılır.
