Türkiyəli müğənni Hadisə Didimdə baş tutan konserti zamanı etdiyi jestlə izləyicilərin rəğbətini qazanıb.
Elpress.az xəbər verir ki, ifa zamanı səhnəyə gətirilən körpəni qucağına alan sənətçi ailəyə sürpriz edəcəyini açıqlayıb.
Hadisə körpəyə 200 min türk lirəsi dəyərində beşibiryerdə qızıl hədiyyə etmək istədiyini bildirib və bu məqsədlə komandasına ailənin əlaqə məlumatlarını götürməyi tapşırıb.
Müğənninin bu addımı sosial şəbəkələrdə də maraqla qarşılanıb. Pərəstişkarları onun səmimi davranışını yüksək qiymətləndirərək paylaşımı geniş müzakirə ediblər.
Qeyd edək ki, Hadisə daha əvvəl də uşaqlara olan sevgisini dəfələrlə dilə gətirib. O, son konsertlərindən birində gələcəkdə ana olmaq arzusundan danışaraq bu istəyini açıq şəkildə ifadə etmişdi.
