Bu gün dünya ədəbiyyatının görkəmli nümayəndələrindən olan Jean de La Fontainein doğum günüdür.
Elpress.az-ın Kulis.az-a istinadən verdiyi məlumata əsasən, XVII əsr Fransa ədəbiyyatının ən görkəmli simalarından biri hesab olunan Jan de Lafonten yaradıcılığı ilə dünya ədəbiyyatında silinməz iz qoyub. O, təmsillərində cəmiyyətin nöqsanlarını, insan xislətini, hakimiyyət nümayəndələrinin davranışlarını və sosial ədalətsizlikləri heyvan obrazları vasitəsilə ustalıqla tənqid edirdi. Məhz bu səbəbdən onun bəzi əsərləri dövrünün hakim dairələri tərəfindən cəsarətli, hətta “təhlükəli” hesab olunurdu.Lafonten yalnız təmsilləri ilə deyil, incə yumoru, dərin müşahidə qabiliyyəti və bədii ustalığı ilə də seçilib. Onun qısa, lakin mənaca zəngin əsərləri əsrlər keçməsinə baxmayaraq bu gün də aktual hesab olunur və dünyanın müxtəlif ölkələrində məktəb proqramlarında öyrədilir. Jan de Lafontenin yaradıcılığı klassik fransız ədəbiyyatının ən qiymətli irslərindən biri sayılır.
