Azərbaycan Polisinin Xaçmazda keçirdiyi əməliyyat zamanı silah və narkotik vasitə ilə əlaqəli şübhəli bilinən iki nəfər saxlanılıb.
Elpress.az-ın Axar.az-a istinadən verdiyi məlumata əsasən, Xaçmaz Rayon Polis Şöbəsinin əməkdaşlarının həyata keçirdiyi əməliyyat-axtarış tədbirləri nəticəsində rayon sakini, əvvəllər məhkum olunmuş Eyvaz Musayev saxlanılıb. Onun üzərinə baxış zamanı bir ədəd “Makarov” markalı tapança, dörd patron və narkotik vasitə olan heroin aşkarlanaraq götürülüb.Əməliyyat tədbirləri davam etdirilərkən digər rayon sakini İsa Cəbiyev də polis əməkdaşları tərəfindən müəyyən edilərək saxlanılıb. O, rayon ərazisində yerləşən köhnə yarımtikilidə yaxalanıb və üzərinə baxış zamanı təxminən bir kiloqram heroin aşkar olunaraq maddi sübut kimi götürülüb.Faktlarla bağlı cinayət işləri başlanılıb. Məhkəmənin qərarı ilə saxlanılan hər iki şəxs barəsində həbs qətimkan tədbiri seçilib, araşdırmalar davam etdirilir.
