Xalq artisti Azərbaycan Kinematoqrafçılar İttifaqında qarşıdakı fəaliyyətindən danışıb
Elpress.az xəbər verir ki, Xalq artisti Şəfiqə Məmmədova Azərbaycan Kinematoqrafçılar İttifaqının sədri seçilməsindən sonra qarşıdakı fəaliyyət planları barədə açıqlama verib.Şəfiqə Məmmədova yeni vəzifənin onun üçün böyük məsuliyyət olduğunu və bu səbəbdən həyəcan keçirdiyini bildirib. O, namizədliyini irəli sürməzdən əvvəl məsələ barədə uzun müddət düşündüyünü, bundan sonra isə əlindən gəldiyi qədər çalışacağını qeyd edib.Xalq artisti İttifaq daxilində bir sıra çətinlik və problemlərin mövcud olduğunu vurğulayıb. Bununla belə, kino sahəsində inkişafın müşahidə edildiyini və qarşıdakı dövrdə müxtəlif layihələrin təqdim olunacağını bildirib.Şəfiqə Məmmədova həmçinin yaxın günlərdə “44” filminin nümayişinin keçiriləcəyini açıqlayıb.
