Elpress.az xəbər verir ki, yazıçı və ədəbiyyatşünas Loğman Rəşidzadənin yeni romanı “AVE Print” nəşriyyatında çap olunub.
Əsər dövrümüzün mürəkkəb mənəvi sınaqlarından keçən ziyalının taleyindən bəhs edir.Hazırda müəllif son 30 il ərzində üzərində çalışdığı “Ə. Haqverdiyevin realizmi” adlı tədqiqat əsərini çapa hazırlayır. Loğman Rəşidzadənin yaradıcılığında müxtəlif dövrlərdə bir sıra əsərlər işıq üzü görüb.Onun “Toya bir gün, bir günorta qalmış” və “Kukla teatrı” pyesləri müxtəlif teatrların səhnəsində tamaşaya qoyulub. “Ot tayası” povesti isə “Azərbaycan” jurnalında dərc edilib.Loğman Rəşidzadə çoxsaylı kitabların, bədii-publisistik əsərlərin müəllifidir. O, həmçinin filologiya üzrə fəlsəfə doktoru kimi ədəbiyyatşünaslıq sahəsində elmi-tədqiqat fəaliyyəti ilə məşğul olur.
