XX-XXI əsrlər Azərbaycan Rəngkarlığı Muzeyində ölkənin təsviri sənət tarixini əhatə edən “ENQRAM” sərgisi ziyarətçilərə təqdim olunub.
Elpress.az xəbər verir ki, YARAT Müasir İncəsənət Məkanının təşkilatçılığı ilə keçirilən sərgidə 1950-ci illərdən bu günədək Azərbaycan incəsənətinin müxtəlif mərhələlərini əks etdirən əsərlər nümayiş olunur.
Açılış mərasimində Heydər Əliyev Fondunun vitse-prezidenti Leyla Əliyeva və Alyona Əliyeva iştirak edərək sərgi ilə tanış olublar.
Aida Mahmudova və Fərəh Ələkbərlinin kuratorluğu ilə ərsəyə gələn layihə Azərbaycan mədəniyyətinin inkişafına təsir göstərmiş bədii dəyişiklikləri və təsviri sənətdə müxtəlif dövrlərin izlərini bir araya gətirir.
Şəxsi kolleksiyalardan seçilmiş əsərlər vasitəsilə sərgi ölkənin incəsənət tarixinin keçmişlə müasir dövr arasında əlaqəsini təqdim edir.
