Oktyabrın 30-da Bakının Yasamal və Səbail rayonlarında, eləcə də Abşeronun bir sıra kəndlərində elektrik enerjisinin verilişində müvəqqəti fasilələr yaranacaq.
Elpress.az xəbər verir ki, bu barədə “Azərişıq” ASC məlumat yayıb. Bildirilib ki, fasilələr elektrik şəbəkəsində aparılacaq təmir işləri ilə əlaqədardır.
Yasamal rayonunda saat 10:00-dan 13:00-dək Kazım Kazımzadə və Şəfayət Mehdiyev küçələrində, eləcə də İkinci Alatava yaşayış massivinin bir hissəsində elektrik enerjisinin verilməsi məhdudlaşdırılacaq.
Səbail rayonunun Bayıl qəsəbəsində, Gülbala Əliyev küçəsində isə saat 10:00-dan 14:00-dək elektrik olmayacaq.
Abşeron rayonunda yerləşən 110/35/10 kV-luq 137 saylı yarımstansiyada aparılacaq təmir işləri ilə əlaqədar saat 10:00-dan 16:00-dək “Pirəkəşkül”, “Çaylı” və “Cəngi” yarımstansiyalarının xidmət ərazilərində elektrik təchizatında fasilə yaranacaq.
Bununla yanaşı, Pirəkəşkül yarımstansiyasından qidalanan bəzi 6 kV-luq hava xətləri, həmçinin Çaylı, Cəngi və Təzəkənd kəndləri müvəqqəti olaraq elektrik enerjisiz qalacaq.
Təmir işləri başa çatdıqdan sonra elektrik enerjisinin verilişi bərpa olunacaq.
