Azərbaycan və Gürcüstan prokurorluqları arasında əməkdaşlığın genişləndirilməsi müzakirə olunub
Elpress.az xəbər verir ki, Azərbaycanın Baş naziri Əli Əsədov iyulun 30-da Gürcüstanın Baş prokuroru Giorgi Qvarakidze ilə görüş keçirib.Görüş zamanı iki ölkə arasında münasibətlərin hazırkı vəziyyəti və müxtəlif sahələr üzrə əməkdaşlığın inkişaf perspektivləri nəzərdən keçirilib. Azərbaycan-Gürcüstan əlaqələrinin qarşılıqlı etimad və mehriban qonşuluq prinsipləri əsasında uğurla davam etdiyi vurğulanıb.Tərəflər, həmçinin prokurorluq qurumları arasında əməkdaşlığın gücləndirilməsi məsələlərinə toxunublar. Transsərhəd və kibercinayətkarlığa qarşı mübarizədə birgə fəaliyyətin artırılmasının, eləcə də təcrübə və məlumat mübadiləsinin davam etdirilməsinin vacibliyi qeyd olunub.Görüşdə iki ölkənin prokurorluq orqanları arasında gələcək əməkdaşlıq istiqamətləri də müzakirə edilib. Tədbirdə Azərbaycanın Baş prokuroru Kamran Əliyev də iştirak edib.
