İlin ilk yeddi ayında Rusiyadan Honq Konqa 100 ton qızıl göndərilib
Elpress.az xəbər verir ki, Rusiyadan Honq Konqa qızıl tədarükünün həcmi 2026-cı ilin ilk yeddi ayında rekord səviyyəyə yüksəlib.Yanvar-iyul aylarında Honq Konq Rusiyadan ümumilikdə 100 ton qızıl idxal edib. Bu göstərici ötən ilin eyni dövrü ilə müqayisədə təxminən üç dəfə çoxdur.Məlumata görə, Rusiyanın Ukraynaya qarşı müharibəyə başlamasından sonra ABŞ və Böyük Britaniya Rusiya istehsalı olan külçə qızılına məhdudiyyətlər tətbiq edib. Honq Konq və Çində isə Rusiya qızılına qarşı analoji sanksiyalar mövcud deyil.2022-ci ilin əvvəlindən etibarən Honq Konq şirkətlərinin Rusiyadan təxminən 35 milyard dollar dəyərində qızıl aldığı bildirilir.Rusiya qızıl istehsalına görə dünyada Çindən sonra ikinci yerdə qərarlaşır.
