Xocalı rayonunun Daşbulaq kəndində baramaçılığın inkişafı məqsədilə yaradılmış infrastrukturla tanışlıq olub.
Elpress.az APA-ya istinadən xəbər verir ki, Azərbaycan Respublikası Prezidenti Administrasiyasının və işğaldan azad edilmiş ərazilərdə məsələlərin mərkəzləşdirilmiş qaydada həlli ilə bağlı Əlaqələndirmə Qərargahının rəhbəri Samir Nuriyevin sədrliyi ilə keçirilən iclasın iştirakçıları kəndə səfər ediblər.Səfər çərçivəsində nümayəndə heyəti Daşbulaq kəndində yerləşən tut bağına və baramaçılığın inkişafı üçün yaradılan infrastruktura baxış keçirib.Qonaqlara ərazidə həyata keçirilən işlər, yaradılmış şərait və bu sahənin inkişaf perspektivləri barədə ətraflı məlumat təqdim olunub.Qeyd edək ki, işğaldan azad edilmiş ərazilərdə kənd təsərrüfatının müxtəlif istiqamətləri üzrə layihələrin həyata keçirilməsi regionun iqtisadi potensialının gücləndirilməsinə xidmət edir.
