Elpress.az xəbər verir ki, “Bakı İqlim Fəaliyyəti Həftəsi 2026” çərçivəsində kənd təsərrüfatının iqlim dəyişikliklərinə uyğunlaşdırılması məsələləri diqqət mərkəzində olub.
Tədbir zamanı Kənd Təsərrüfatı Nazirliyi ilə birgə su və torpaq ehtiyatlarının qorunması, müasir texnologiyaların tətbiqi, maliyyə imkanlarının genişləndirilməsi və fermerlərə dəstəyin gücləndirilməsi istiqamətində fikir mübadiləsi aparılıb.
Azərbaycan Prezidentinin iqlim məsələləri üzrə nümayəndəsi Muxtar Babayev bildirib ki, iqlim dəyişiklikləri artıq fermerlərin ərzaq istehsalı apardığı şəraitə təsir göstərir.
Onun sözlərinə görə, COP29 çərçivəsində irəli sürülən Fermerlər üçün Bakı Harmoniya İqlim Təşəbbüsünün əsas məqsədi qlobal iqlim tədbirlərinin fermerlər üçün real nəticələrə çevrilməsinə və onların dayanıqlığının artırılmasına nail olmaqdır.
Muxtar Babayev qeyd edib ki, COP31-ə hazırlıq prosesində qəbul edilən öhdəliklərin praktiki fəaliyyətə çevrilməsi istiqamətində işlər davam etdirilməlidir.
Muxtar Babayev: İqlim dəyişiklikləri fermerlərin fəaliyyətinə təsir edir
Aysel Əlibəyli
08 Sentyabr 2026 · 23:59
1042 baxış
