Azərbaycanın cari əməliyyatlar balansında 1,4 milyard dollar profisit yaranıb
Elpress.az xəbər verir ki, Azərbaycanın cari əməliyyatlar balansında 2026-cı ilin ilk yarısında 1,4 milyard ABŞ dolları həcmində profisit qeydə alınıb.Azərbaycan Mərkəzi Bankının sədri Taleh Kazımov bildirib ki, bu göstərici ölkənin ÜDM-nin 9,5 faizinə bərabərdir.Onun sözlərinə görə, ilin ilk altı ayının nəticələrinə əsasən Azərbaycanın strateji valyuta ehtiyatları 85,8 milyard dollara yüksəlib. Bu, ilin əvvəli ilə müqayisədə 700 milyon dollar və ya 0,8 faiz artım deməkdir.Hazırkı valyuta ehtiyatlarının ölkənin təxminən 40 aylıq mal və xidmət idxalını maliyyələşdirməyə imkan verdiyi və geniş pul kütləsini 3,4 dəfə üstələdiyi bildirilib.
Proqnozlara əsasən, cari əməliyyatlar balansında 2026-cı ildə 6,1 milyard dollar, 2027-ci ildə isə 5,2 milyard dollar profisit gözlənilir. Bu artımın əsas səbəblərindən biri enerji daşıyıcılarının qiymətlərinin yüksək səviyyədə qalacağı ilə bağlı gözləntilərdir.
