Sümüklü və sümüksüz mal ətinin qiyməti bahalaşıb
Elpress.az xəbər verir ki, Son günlər Bakıda mal ətinin qiymətində artım müşahidə olunur. Satış məntəqələrində həm sümüklü, həm də sümüksüz ətin kiloqramı əvvəlki qiymətlə müqayisədə 1-2 manat bahalaşıb.Hazırda sümüklü mal ətinin kiloqramı 19 manata, sümüksüz ətin kiloqramı isə 25 manata satılır. Əvvəllər bu qiymətlər müvafiq olaraq 18 və 23 manat olub.Qəssabların bildirdiyinə görə, qiymət artımının əsas səbəblərindən biri bazarda mal-qaranın sayının azalmasıdır.Bölgələrdə də heyvanların qiymətində artım qeydə alınır. Göyçayda fəaliyyət göstərən qəssab Hüseyn Verdiyev bildirib ki, bahalaşma təxminən 10 gündür müşahidə edilir. Onun sözlərinə görə, yem və otun qiymətinin yüksəlməsi heyvan saxlamaq xərclərini artırıb. Bu səbəbdən mal-qara saxlayanların sayı azalıb və nəticədə bazara çıxarılan məhsulun həcmi aşağı düşüb.Fermer Mürşüd Nəbiyev isə qeyd edib ki, heyvandarlıq təsərrüfatlarının saxlanılması yüksək xərc tələb edir. Onun sözlərinə görə, əvvəllər 8-10 baş mal saxladığı halda, hazırda bu rəqəm 4-5 başa qədər azalıb.İqtisadçılar qiymət artımını ətin maya dəyərinin yüksəlməsi və qlobal bazardakı qiymət dəyişiklikləri ilə əlaqələndirirlər.Kənd Təsərrüfatı Nazirliyindən isə bildirilib ki, məsələ ilə bağlı araşdırma aparılmalıdır.
