Məhəllədə 26 yaşayış binası, məktəb və uşaq bağçasının tikintisi artıq başa çatıb
Elpress.az xəbər verir, Mənzil İnşaatı Dövlət Agentliyinin Türkiyənin Kahramanmaraş şəhərində inşa etdiyi “Azərbaycan” yaşayış məhəlləsi layihəsi üzrə tikinti işlərinin bir neçə ay ərzində tam yekunlaşdırılması planlaşdırılır.MİDA-nın Aparat rəhbəri Cəmşid Əmirov bildirib ki, layihə çərçivəsində Heydər Əliyev adına ibtidai məktəbin, uşaq bağçasının və 26 yaşayış binasından ibarət 4 kvartalın tikintisi artıq tamamlanıb.Hazırda yaşayış məhəlləsində Mədəniyyət Mərkəzinin inşası davam etdirilir. Layihə üzrə digər işlərin də aparıldığı və tikintinin yaxın aylarda tam başa çatdırılmasının nəzərdə tutulduğu bildirilib.Qeyd edək ki, Kahramanmaraşda yerləşən “Azərbaycan” yaşayış məhəlləsinin ümumi sahəsi 27,6 hektardır.Layihəyə əsasən, ərazidə 68 yaşayış binasının inşası və ümumilikdə 1 194 mənzilin yaradılması nəzərdə tutulur. Burada həmçinin ibtidai məktəb, uşaq bağçası və Mədəniyyət Mərkəzinin fəaliyyət göstərməsi planlaşdırılır.
