Ədliyyə Nazirliyində keçirilən görüşdə sahibkarlarla biznesin inkişafı və perspektiv istiqamətlər geniş şəkildə müzakirə edilib.
Elpress.az-ın Azərtac.az-a istinadən verdiyi məlumata əsasən, Ədliyyə Nazirliyinin inzibati binasında sahibkarlarla görüş keçirilib.Görüşdə Biznes Mühiti və Beynəlxalq Reytinqlər üzrə Komissiyanın “Mübahisələrin həlli, məhkəmə sistemi və hüququn aliliyi” İşçi qrupunun rəhbəri, ədliyyə nazirinin müavini Toğrul Hüseynov və sahibkarlar iştirak ediblər.Tədbirdə sahibkarların problemləri dinlənilib, suallar cavablandırılıb və qanunvericilik izah olunub. Həmçinin “Business Ready” hesabatı üzrə Yol Xəritəsi çərçivəsində görülən işlər təqdim edilib.Qeyd olunub ki, mübahisələrin həlli və məhkəmə qərarlarının icrası sahəsində islahatlar aparılır, o cümlədən “Elektron Hərrac Portalı” vasitəsilə proseslər rəqəmsallaşdırılıb.Eyni zamanda xüsusi icra məmurları institutunun yaradılması və cəzaçəkmə müəssisələrində peşə təhsilinin təkmilləşdirilməsi barədə məlumat verilib.Görüşün sonunda sahibkarların təklifləri dinlənilib və onların dəstəyi yüksək qiymətləndirilib.
