World Urban Forum 13 çərçivəsində “Sürət və miqyasda yaşıl əlverişli mənzil – dekarbonizasiya edilmiş, davamlı və yerli resurslara əsaslanan evlərin təmin edilməsi” mövzusuna həsr olunan sessiya təşkil edilib
Elpress.az-ın Azərtac.az-a istinadən verdiyi məlumata əsasən, European Bank for Reconstruction and Development-nin enerji səmərəliliyi üzrə aparıcı mütəxəssisi Boyan Bogdanovic moderatorluğu ilə keçirilən müzakirələrdə yaşıl, dayanıqlı və yerli resurslara əsaslanan əlverişli mənzillərin inşasının əhəmiyyəti ön plana çəkilib.Maureen Agnes Nieri bildirib ki, Afrikada müşahidə olunan sürətli demoqrafik artım fonunda həm münasib qiymətli, həm də ekoloji baxımdan davamlı mənzillərin təmin olunması xüsusi əhəmiyyət daşıyır. O, Nayrobidə yerli hakimiyyətin bu məsələlərə yanaşması, qarşıya çıxan problemlər və şəhərin inkişaf tempinə uyğun atılan addımlar barədə danışıb.Onun sözlərinə görə, gələcək nəsillər üçün davamlılığın təmin olunması nəzərə alınmadan əlverişli mənzil siyasətindən danışmaq mümkün deyil. Qeyd edilib ki, Nairobi Afrikanın ən sürətlə inkişaf edən şəhərlərindən biridir və hər il minlərlə insan kənd yerlərindən şəhərə üz tutur. Bu isə mənzil və infrastruktur sahəsində ciddi təzyiq yaradır. Buna görə də hazırda davamlı enerji sistemlərinə malik şəhərlərin qurulması istiqamətində planlaşdırma işləri aparılır.Sessiyada çıxış edən UN-Habitat-ın davamlı inkişaf eksperti Marco Musolena, Azərbaycan Yaşıl Tikinti Şurası-nın sədri Fuad Bağırov, Cities Climate Finance Leadership Alliance direktorunun müavini Priscilla Negreiros və Serbia Spatial and Urban Planning Agency-nin inkişaf meneceri Sinisa Trkulya sərfəli mənzil layihələri, enerji səmərəliliyi yüksək olan binaların təşviqi, şəhərlərin iqlim dəyişikliklərinə davamlı şəkildə inkişaf etdirilməsi və investorlarla əməkdaşlıq imkanları barədə fikirlərini bölüşüblər.Müzakirələrdə vurğulanıb ki, əlverişli mənzil siyasəti iqlim dəyişikliklərinə davam gətirə bilən dayanıqlı infrastrukturla birlikdə həyata keçirilməlidir. Bildirilib ki, iqlim dəyişikliyi nəticəsində artıq milyonlarla insan məcburi köçlə üzləşib. Həmçinin qeyd olunub ki, mənzil siyasətində dekarbonizasiya, bərpaolunan və təmiz enerji mənbələrindən istifadə əsas prioritetlərdən biri olmalıdır. Bu baxımdan enerji səmərəliliyi, keyfiyyətli tikinti materiallarından istifadə, nəqliyyatın təsiri, daxili mühitin keyfiyyəti, emissiyaların azaldılması və karbon balansının qorunması kimi məsələlərin düzgün planlaşdırılması mühüm əhəmiyyət daşıyır.
