Bu ilin yanvar–aprel aylarında Azərbaycan ilə Gürcüstan arasında ticarət dövriyyəsinin həcmi ötən ilin eyni dövrü ilə müqayisədə 8,4% artaraq 451,2 milyon ABŞ dollarına yüksəlib.
Elpress.az-ın Apa.az-a istinadən verdiyi məlumata əsasən Gürcüstan Milli Statistika İdarəsinin ilkin hesabatında bildirilib ki, bu ilin yanvar–aprel aylarında Azərbaycanla Gürcüstan arasında ticarət dövriyyəsi 8,4% artaraq 451,2 milyon ABŞ dollarına çatıb.Hesabata görə, Azərbaycan Gürcüstanın ümumi ticarət dövriyyəsində 5,5% payla Türkiyə, Rusiya, Çin və ABŞ-dan sonra beşinci yeri tutub. Gürcüstandan Azərbaycana ixrac 211,3 milyon dollar olub (1,8% azalma), Azərbaycan isə Gürcüstanın ixracında 8,7% payla üçüncü əsas tərəfdaş kimi yer alıb. Bununla yanaşı, Gürcüstanın Azərbaycandan idxalı 18,7% artaraq 239,8 milyon dollar təşkil edib və Azərbaycan 4,2% payla ölkənin əsas idxal tərəfdaşları sırasında altıncı yerdə qərarlaşıb. Ümumilikdə, Gürcüstanın xarici ticarət dövriyyəsi 8,13 milyard dollar olub.
