Avropanın qaz anbarlarında hazırda 68 milyard kubmetrə yaxın yanacaq saxlanılır
Elpress.az xəbər verir ki, Avropa İttifaqı ölkələrində yeraltı qaz anbarlarının doluluq səviyyəsi 60 faizlik həddi keçərək 62 faizə çatıb.Avropa Qaz İnfrastruktur Operatorları Assosiasiyasının məlumatlarına əsasən, hazırda Aİ ölkələrinin yeraltı anbarlarında təxminən 68 milyard kubmetr qaz ehtiyatı mövcuddur. Mövcud göstərici son beş ilin eyni tarix üzrə orta səviyyəsindən 17 faiz bəndi aşağıdır. Ötən ilin müvafiq dövründə isə anbarların doluluğu 75 faiz təşkil edib.Avropa Komissiyasının müəyyən etdiyi qaydalara əsasən, Aİ ölkələri hər il oktyabrın 1-dən dekabrın 1-dək yeraltı qaz anbarlarının doluluğunu 90 faizə çatdırmalıdır. Qaz tədarükünün çətinləşdiyi hallarda bu tələb üzrə 10 faizədək elastiklik tətbiq edilə bilər.Mövcud vəziyyətə əsasən, 2026–2027-ci illərin payız-qış mövsümünə qədər tələb olunan səviyyəyə çatmaq üçün Avropanın yeraltı qaz anbarlarına əlavə olaraq ən azı 68 milyard kubmetr xalis qaz vurulmalıdır. Ötən il bu göstərici təxminən 55 milyard kubmetr olub.Qeyd edək ki, Azərbaycan qazının Avropa bazarına nəqli Trans-Adriatik boru kəməri (TAP) vasitəsilə 2020-ci il dekabrın 31-dən həyata keçirilir.
