Aysel Əlibəyli
08 Oktyabr 2026 · 08:44
1036 baxış
Türkiyənin İstanbul şəhərində yaşayış binasının çökməsi nəticəsində əraziyə çoxsaylı axtarış-xilasetmə qrupları cəlb olunub.
Elpress.az xəbər verir ki, hadisə şəhərin Maltepe rayonunun Cevizli məhəlləsində baş verib. Altımərtəbəli binanın çökməsi ilə bağlı əraziyə xilasedicilər və digər aidiyyəti xidmətlərin əməkdaşları göndərilib.
İlkin məlumatlara görə, binada insanların olduğu bildirilir. Hazırda dağıntılar altında qalan şəxslərin müəyyənləşdirilməsi və xilas edilməsi istiqamətində işlər davam etdirilir. Hadisə yerindən bir nəfərin çıxarıldığı barədə də məlumat yayılıb.
Çökmənin səbəbi və hadisə nəticəsində ölən və ya yaralananların sayı barədə hələlik tam rəsmi məlumat açıqlanmayıb.
