Hücum nəticəsində limanda yanğın baş verib, gəmilərdən birinin zədələndiyi bildirilir
Elpress.az xəbər verir ki, Ukrayna ötən gecə Rusiyanın Krasnodar diyarında yerləşən Yeysk limanına pilotsuz uçuş aparatları ilə hücum edib.“UNIAN”ın məlumatına görə, zərbələr nəticəsində limandakı ən azı bir gəmiyə ziyan dəyib. Hücumun ardından ərazidə genişmiqyaslı yanğın baş verdiyi bildirilib.Eyni gecə Rusiya qüvvələri də Ukrayna ərazisinə genişmiqyaslı hücumlar həyata keçirib. Məlumata görə, zərbələrin əsas istiqamətləri Kiyev və Odessa olub.Ukrayna ərazisinə edilən hücumlar zamanı “Banderol” tipli pilotsuz uçuş aparatlarından və “İskəndər-M” raketlərindən istifadə olunduğu qeyd edilib. Ümumilikdə ölkənin 50-dən çox nöqtəsinin hədəfə alındığı bildirilib.Kiyevdə dəmir yolu infrastrukturuna ballistik raketlə endirilən zərbə nəticəsində isə bir nəfərin öldüyü açıqlanıb.
