Muxtar respublikada aktiv fiziki sahibkarların sayı 24 608 nəfərdir
Elpress.az xəbər verir ki, Naxçıvan Muxtar Respublikasında hazırda 24 608 aktiv fiziki sahibkar fəaliyyət göstərir. Onların 6 981-ni qadınlar təşkil edir.Bu barədə Naxçıvan Muxtar Respublikası Ailə, Qadın və Uşaq Problemləri üzrə Dövlət Komitəsinin sədri Ramilə Seyidova Naxçıvan Qadın Sahibkarlar Forumunda çıxışı zamanı məlumat verib.Bildirilib ki, qadınların dayanıqlı inkişafının təmin edilməsi, xüsusilə kənd yerlərində yaşayan qadınların özünüməşğulluğunun artırılması istiqamətində müxtəlif tədbirlər həyata keçirilir.Qadınların bilik və bacarıqlarının inkişaf etdirilməsi, iqtisadi fəallığının artırılması və gəlir əldə etmək imkanlarının genişləndirilməsi dəstək proqramlarının əsas istiqamətlərindəndir.Qeyd olunub ki, bu tədbirlər qadınların əmək bazarında və sahibkarlıq fəaliyyətində daha fəal iştirakına imkan yaradır. Eyni zamanda, qadınların iqtisadi fəallığının yüksəlməsi onların ailə büdcəsinə verdiyi töhfənin artmasına şərait yaradır.
