Mərkəzi Aran iqtisadi rayonunda kənd təsərrüfatı, balıqçılıq və akvakulturanın inkişafına dair 2026–2030 Dövlət Proqramının müzakirəsi üzrə regional müşavirə keçirilib.
Elpress.az-ın Qafqazinfo.az-a istinadən verdiyi məlumata əsasən, Tədbir Prezident İlham Əliyevin sədrliyi ilə 2026-cı il 25 may tarixində keçirilən kənd təsərrüfatı müşavirəsində verilmiş tapşırıqların icrası və “Azərbaycan Respublikasında kənd təsərrüfatı, balıqçılıq və akvakultura məhsullarının istehsalı və emalı sahələrinin inkişafına dair 2026–2030-cu illər üçün Dövlət Proqramı”nın regionlar üzrə əlaqələndirilmiş, çevik və səmərəli icrasının təmin edilməsi məqsədilə təşkil olunub.Ağdaşda keçirilən tədbirdə aidiyyəti dövlət qurumlarının rəhbərləri və nümayəndələri ilə yanaşı, Ağdaş, Göyçay, Kürdəmir, Ucar, Yevlax və Zərdab rayonlarından fermerlər iştirak ediblər.Azərbaycan Respublikası Prezidentinin köməkçisi – Ərazi-təşkilat məsələləri şöbəsinin müdiri Zeynal Nağdəliyev çıxışında Prezident İlham Əliyevin kənd təsərrüfatının inkişafına göstərdiyi diqqət və qayğıdan, eləcə də həmin müşavirədə verilmiş tapşırıqlardan bəhs edib. O, yeni Dövlət Proqramının məqsəd və əhəmiyyətini qeyd edərək bildirib ki, son illərdə aqrar sahədə genişmiqyaslı islahatlar aparılıb, dövlət dəstəyi mexanizmləri təkmilləşdirilib, aqroparkların yaradılması, müasir suvarma sistemlərinin tətbiqi və torpaq-su resurslarından səmərəli istifadə istiqamətində mühüm layihələr həyata keçirilib. Yeni proqram bu islahatların davamı kimi aqrar sektorun inkişafında yeni mərhələnin əsasını qoyur.
