Premyer Liqa təmsilçisi “Şamaxı” yeni mövsüm öncəsi heyətini gücləndirmək üçün növbəti transferini reallaşdırmağa hazırlaşır. Klub portuqaliyalı müdafiəçi ilə razılıq əldə edib.
Elpress.az-ın Apasport.az-a istinadən verdiyi məlumata əsasən, “Şamaxı” klubu yeni mövsüm öncəsi transfer çalışmalarını davam etdirir. Premyer Liqa təmsilçisi son olaraq Portuqaliyanın III Liqa klublarından olan “Paredes”də çıxış edən Rui Paçekonu heyətinə cəlb edib.Məlumata görə, 24 yaşlı portuqaliyalı mərkəz müdafiəçisi ilə bütün detallar üzrə razılıq əldə olunub. Transferin yaxın günlərdə klub tərəfindən rəsmi şəkildə açıqlanacağı gözlənilir.Rui Paçeko futbol karyerasına “Paços de Ferreira”nın akademiyasında başlayıb. Müdafiəçi daha sonra Portuqaliyanın “Rebordoza” klubunda çıxış edib. O, həmçinin “Porto” və “Qondomar” klublarının aşağı yaş qruplarında da forma geyinərək peşəkar futbol təcrübəsi qazanıb.“Şamaxı” rəhbərliyi yeni transferin komandanın müdafiə xəttinə əlavə güc qatacağına ümid edir.
