Argentinaya məğlubiyyətdən sonra Zikodan qalmaqallı açıqlama: Hakimliyi tənqid etdi
Elpress.az xəbər verir ki, Misir millisinin yarımmüdafiəçisi Mostafa Ziko 2026-cı il dünya çempionatının 1/8 finalında Argentinaya 2:3 hesabı ilə məğlub olduqları oyundan sonra hakim idarəçiliyini sərt tənqid edib.30 yaşlı futbolçu qarşılaşmanın ardından verdiyi açıqlamada hakim qərarlarının ədalətli olmadığını iddia edib və oyunun idarəçiliyindən narazı qaldığını bildirib.”Təbriklər, Argentina. Dünya çempionatının ssenarisi onsuz da əvvəlcədən yazılıb. Buna görə də hakimə və başqa faktorlara ehtiyacları yox idi. Hakim çox ədalətsiz idi. Nə isə… Allah bizə yetər. Bir millətin əməyini oğurlayırlar. Kuboku Argentinaya versinlər”, – deyə Mostafa Ziko bildirib.Qeyd edək ki, Misir millisi Argentinaya 2:3 hesabı ilə məğlub olaraq turnirlə vidalaşıb. Qarşılaşmada Misir yığmasının ikinci qolunun müəllifi məhz Mostafa Ziko olub. Onun oyundan sonra səsləndirdiyi fikirlər futbol ictimaiyyətində geniş müzakirələrə səbəb olub.
