Sabah BK basketbol komandasının FIBA Çempionlar Liqasının əsas mərhələsində qarşılaşacağı rəqiblər püşkatma mərasimindən sonra bəlli olub.
Elpress.az-ın Apasport.az-a istinadən verdiyi məlumata əsasən, FIBA Çempionlar Liqasının püşkatma mərasimindən sonra Azərbaycan çempionu “Sabah”ın əsas mərhələdəki rəqibləri dəqiqləşib. Komanda A qrupunda Türkiyənin Trabzonspor, Fransanın Nanterre 92 və Litvanın Rytas Vilnius kollektivləri ilə mübarizə aparacaq.Qeyd edək ki, FIBA Çempionlar Liqasının əsas mərhələsinə oktyabrın 6-da start veriləcək. Qrup mərhələsinin yekununa əsasən ilk yeri tutan komanda birbaşa turnirin ən güclü 16 komandası sırasına yüksələcək. Qrupu ikinci və üçüncü pillələrdə başa vuran kollektivlər isə növbəti mərhələyə vəsiqə uğrunda “play-in” raundunda üç oyunluq seriyada mübarizə aparacaqlar. İlk iki qələbə qazanan komanda növbəti mərhələyə yüksələcək.
