Seymur Məmmədovun yeni ünvanı bəlli oldu: Gənc futbolçu I Liqa klubuna keçdi
Elpress.az-ın Apasport.az-a istinadən verdiyi məlumata əsasən, I Liqa təmsilçisi “Şahdağ Qusar” yeni mövsüm üçün heyətini gücləndirmək istiqamətində çalışmalarını davam etdirir.Qusar klubu heyətinə daha bir futbolçu cəlb edib. Belə ki, “Sabah” klubunun futbolçusu Seymur Məmmədovla müqavilə imzalanıb.Klubun yaydığı məlumata əsasən, 23 yaşlı futbolçu ilə 1+1 illik anlaşma əldə olunub. Gənc yarımmüdafiəçi yeni mövsümdən etibarən “Şahdağ Qusar”ın uğurları üçün mübarizə aparacaq.Qeyd edək ki, Seymur Məmmədov 21 yaşadək futbolçulardan ibarət Azərbaycan milli komandasının üzvü olub. O, geridə qalan mövsümü icarə əsasında “Mingəçevir” klubunda keçirib.“Şahdağ Qusar”ın bu transferi komandanın yeni mövsüm öncəsi daha iddialı heyət qurmaq planlarının bir hissəsi kimi qiymətləndirilir.
