Argentina millisinin kapitanı Lionel Messi dünya çempionatları tarixində bu dəfə fərqli göstərici ilə gündəmə gəlib.
Elpress.az xəbər verir ki, 39 yaşlı hücumçu DÇ-2026-nın 1/8 final mərhələsində Misirə qarşı keçirilən oyunda penaltidən yararlana bilməyib.
Bu uğursuz zərbə ilə Messi dünya çempionatlarında yerinə yetirdiyi 8 penalti zərbəsindən 4-nü qola çevirə bilməyib və mundiallar tarixində ən çox penalti qaçıran futbolçu olub.
Argentinalı ulduz ilk dəfə 2018-ci il dünya çempionatında İslandiya ilə oyunda penalti qaçırmışdı. 2022-ci il mundialında Səudiyyə Ərəbistanı, Niderland, Xorvatiya və Fransa ilə qarşılaşmalarda dəqiq olsa da, Polşa ilə matçda da penaltini boşa vermişdi.
DÇ-2026-da isə Avstriya və Misirə qarşı oyunlarda da penalti zərbələrindən yararlana bilməyən Messi bununla mundial tarixində arzuolunmaz rekorda imza atıb.
