Aysel Əlibəyli
22 Avqust 2026 · 10:31
1014 baxış
Türkiyə Super Liqasının 2-ci turunda “Qalatasaray” səfərdə “Ərzurumspor”u böyük hesabla məğlub edib.
Elpress.az xəbər verir ki, İstanbul klubu qarşılaşmadan 4:0 hesablı qələbə ilə ayrılıb.“Qalatasaray”ın heyətində Roland Sallai 12-ci dəqiqədə hesabı açıb. Yunus Akgün 20-ci dəqiqədə fərqi artırıb. Viktor Osimhen isə ilk hissənin son dəqiqəsində və 80-ci dəqiqədə fərqlənərək komandasının qələbəsini rəsmiləşdirib.
“Ərzurumspor”un azərbaycanlı futbolçusu Nəriman Axundzadə də görüşdə iştirak edib. Hücumçu matçın 84-cü dəqiqəsində sarı vərəqə ilə cəzalandırılıb.
Bu nəticədən sonra “Qalatasaray”ın aktivində 4 xal olub. Super Liqaya yeni yüksələn “Ərzurumspor” isə ikinci turdan sonra xalsız qalıb.
