Sabiq milli futbolçu “Sabah”ın “Mançester Yunayted”ə qarşı taktikasını açıqlayıb
Elpress.az xəbər verir ki, Azərbaycan millisinin sabiq futbolçusu Rahid Əmirquliyev “Sabah”ın UEFA Çempionlar Liqasının liqa mərhələsində “Mançester Yunayted”ə qarşı keçirəcəyi oyunla bağlı fikirlərini bölüşüb.37 yaşlı yarımmüdafiəçi İngiltərə futbolunun yüksək səviyyədə olduğunu və “Old Trafford”dakı atmosferin qarşılaşmanı “Sabah” üçün daha da çətinləşdirəcəyini bildirib. Onun sözlərinə görə, “Mançester Yunayted” kağız üzərində oyunun açıq favoritidir.Əmirquliyev hesab edir ki, “Sabah” rəqibə qarşı açıq futbol oynamaq əvəzinə daha çox əks-hücumlara üstünlük verməlidir. Sabiq futbolçu belə taktikanın tətbiqi halında Azərbaycan təmsilçisinin rəqibin müdafiəsindəki boşluqlardan istifadə edərək onu cəzalandıra biləcəyini vurğulayıb.O, “Qarabağ”ın ötən mövsüm “Çelsi” ilə heç-heçə etməsini nümunə göstərərək, Azərbaycan klublarının güclü İngiltərə təmsilçilərinə qarşı mübarizə apara biləcəyini qeyd edib.Əmirquliyev futbolda hər nəticənin mümkün olduğunu desə də, “Old Trafford”da “Mançester Yunayted”dən xal almağın çox çətin olduğunu bildirib. Onun fikrincə, “Sabah”ın İngiltərədən xalla qayıtması həm klub, həm də Azərbaycan futbolu üçün böyük uğur olacaq.Qeyd edək ki, “Mançester Yunayted” – “Sabah” qarşılaşması Bakı vaxtı ilə saat 23:00-da başlayacaq.
