“Qarabağ” UEFA Konfrans Liqasının pley-off mərhələsində mübarizəni dayandırıb.
Elpress.az xəbər verir ki, Qurban Qurbanovun rəhbərlik etdiyi Ağdam təmsilçisi cavab qarşılaşmasında Niderlandın “Tvente” klubunu qəbul edib.Tofiq Bəhramov adına Respublika Stadionunda keçirilən matçın əsas vaxtı qonaqların 2:1 hesablı qələbəsi ilə yekunlaşıb. İlk görüşdə “Qarabağ” 1:0 hesabı ilə qalib gəldiyi üçün komandalar əlavə vaxta yollanıb.Əlavə vaxtda “Tvente” daha iki dəfə fərqlənib. 94-cü dəqiqədə Vaut Veahorst, 115-ci dəqiqədə isə Yunes Taha hesabı dəyişib. 106-cı dəqiqədə Marko Yankoviç qırmızı vərəqə alaraq “Qarabağ”ı azlıqda qoyub.Nəticədə “Tvente” 4:1 hesabı ilə qalib gəlib və növbəti mərhələyə yüksəlib.Beləliklə, ardıcıl 12 mövsüm avrokubokların əsas mərhələsində iştirak edən “Qarabağ”ın bu seriyası başa çatıb.
