Minifutbol üzrə Azərbaycan millisi Slovakiyada təşkil olunan Avropa çempionatında yarımfinala vəsiqə əldə edib.
Elpress.az “Report”a istinadən xəbər verir ki, baş məşqçi Elşad Quliyevin rəhbərlik etdiyi komanda 1/4 final mərhələsində Çexiya yığması ilə üz-üzə gəlib.”Tipos Arena”da keçirilən qarşılaşma Azərbaycan millisinin 5:2 hesablı qələbəsi ilə yekunlaşıb.Yığmamızın heyətində Eşqin Tağıyev dubl edib. Digər qolları isə Təmkin Xəlilzadə, Ramiz Çovdarov və Məhəmməd Xəlilov vurublar.1/4 finalın digər oyunlarında Macarıstan Bolqarıstanı 4:0, Ukrayna Gürcüstanı 4:0, Serbiya isə Rumıniyanı 6:4 hesabı ilə məğlub edib.Qeyd edək ki, Azərbaycan millisi qrup mərhələsində Avstriya, İtaliya və Fransa üzərində qələbə qazanmışdı. Komanda 1/8 finalda isə Qazaxıstan seçməsini 3:2 hesabı ilə üstələyərək dörddəbir finala yüksəlmişdi.
