“Qızıl medal qazanmaq ən böyük arzum idi. Bu uğurumu şəhid atama həsr edirəm”, – deyə şəhid qızı bildirib.
Xəbər verdiyimiz kimi, Azərbaycanın karateçisi Mədinə Sadıqova Almaniyanın Frankfurt şəhərində təşkil olunan böyüklər arasında Avropa çempionatında qızıl medal əldə edib. Elpress.az Milli.az-a istinadən xəbər verir ki, 55 kiloqram çəki dərəcəsində mübarizə aparan idmançı bütün rəqiblərinə qalib gələrək çempion olub.Beləliklə, Mədinə Sadıqova Azərbaycanın karate tarixində böyüklər arasında Avropa çempionu olan ilk qadın karateçi kimi yadda qalıb.Qeyd edək ki, o, Birinci Qarabağ müharibəsi şəhidi, kapitan Vasif Sadıqovun qızıdır.“İndiyə qədər qızıl medalım olmamışdı. Ən böyük arzum qızıl medal qazanıb onu atama həsr etmək idi. O, bu bayraq uğrunda şəhid olub. Mən də Avropada bayrağımızı və himnimizi tanıdırım”, – deyə idmançı bildirib.
