Bolqarıstanın Samokov şəhərində güləş üzrə U15 Avropa çempionatı başa çatıb.
Elpress.az-ın Azərtac-a istinadən verdiyi məlumata görə yarışın son günündə 5 azərbaycanlı sərbəst güləşçi medal qazanıb. Bütün görüşlərini vaxtından əvvəl bitirən Yusif Abdullayev (38 kq) finaldakı ənənəsinə sadiq qalaraq Rezi Yobidzeyə 10:0 hesabı ilə qalib gəlib və Avropa çempionu adını qazanıb.Elman İsmayılov (41 kq) final mərhələsində bolqarıstanlı Simyon Velikovaya 4:15 hesabı ilə uduzaraq gümüş medalla kifayətlənib.Məhəmməd Kərimov (44 kq) belaruslu Aleksandr Hamovu 16:6 hesabı ilə məğlub edərək bürünc medal əldə edib.Adəm Quliyev (52 kq) finaldakı rusiyalı rəqibi Badruddin Maqomedova 7:9 hesabı ilə uduzub və gümüş medalı boynundan asıb.Yusif Hüseynov (62 kq) isə üçüncülük uğrundakı görüşdə rusiyalı Zaur Najmudinovu 5:0 hesabı ilə üstələyib.Nəticədə sərbəst güləş üzrə millimiz çempionatda ümumilikdə 6 medal qazanıb. Qeyd edək ki, əvvəlki gün Elvin Necəfzadə (85 kq) zirvəyə qalxaraq qızıl medal qazanmışdı.
