“Qarabağ”ın baş məşqçisi “Dinamo” ilə oyun öncəsi komandanın vəziyyətini dəyərləndirib
Elpress.az xəbər verir, “Qarabağ” UEFA Konfrans Liqasının III təsnifat mərhələsində Kiyev “Dinamo”su ilə cavab qarşılaşmasına hazırlaşır.Ağdam klubunun baş məşqçisi Qurban Qurbanov oyunöncəsi mətbuat konfransında komandanın hazırlığı barədə danışıb. O, futbolçuların qarşılaşmaya hazırlaşmaq üçün bir neçə gün ərzində səmərəli çalışdıqlarını bildirib.İlk görüşdə 0:1 hesabı ilə məğlub olduqlarını xatırladan Qurbanov cavab matçında daha yaxşı nəticə qazanmağa çalışacaqlarını deyib. Baş məşqçi rəqibin müdafiədə yaxşı təşkil olunduğunu və qələbə üçün futbolçuların maksimum güc göstərməli olduğunu vurğulayıb.Qurban Qurbanov ilk oyunda yol verilən fərdi səhvlərin komandanın oyun tempindən və bəzi futbolçuların təcrübəsindən qaynaqlana biləcəyini qeyd edib. O, texniki səhvlərin minimuma endirilməsinin vacibliyini bildirib.“Qarabağ”ın son üç oyunda qol vura bilməməsinə də toxunan mütəxəssis bunun futbol üçün normal hal olduğunu deyib. Onun sözlərinə görə, komanda qol problemini aradan qaldırmaq üçün çalışır və mövcud çətinliklər zamanla həll olunacaq.Qurbanov həmçinin Abdullah Zubirin komandadan ayrılacağı ilə bağlı yayılan iddialara münasibət bildirməyib.
