İtaliya millisinin və “Milan” klubunun əfsanəvi futbolçusu Franko Barezi dünyasını dəyişib.
Elpress.az xəbər verir ki, uzun müddətdir ağır xəstəliklə mübarizə aparan veteran müdafiəçi 66 yaşında vəfat edib.
Franko Barezi peşəkar futbol karyerası ərzində yalnız “Milan”ın şərəfini qoruyub. O, 1978–1997-ci illərdə İtaliya təmsilçisinin heyətində çıxış edərək klubun tarixinin ən yaddaqalan futbolçularından birinə çevrilib.
Əfsanəvi müdafiəçi “Milan”la 6 dəfə İtaliya çempionu olub, 4 dəfə ölkə Superkubokunu qazanıb. O, həmçinin 3 dəfə UEFA Çempionlar Liqasının, 1 dəfə isə UEFA Superkubokunun qalibi adını qazanıb.İtaliya milli komandasının heyətində 81 oyuna çıxan Franko Barezi 1982-ci il dünya çempionatının qalibi olub. Bundan başqa, o, 1990-cı il mundialında bürünc, 1994-cü il dünya çempionatında isə gümüş medal əldə edib.
Franko Barezinin vəfatı dünya futbol ictimaiyyəti üçün böyük itki kimi qiymətləndirilir.
