Aysel Əlibəyli
09 İyun 2026 · 18:57
1188 baxış
ABŞ hakimiyyəti İran milli futbol komandasının futbolçularının Dünya çempionatı oyunları istisna olmaqla ölkəyə girişini qadağan edib.
Tehran bu qərarı siyasi motivli addım kimi qiymətləndirərək, Vaşinqtonu İran milli futbol komandasına qarşı ayrı-seçkilik etməkdə günahlandırıb və bunun idman prinsiplərinə zidd olduğunu bildirib. Eyni zamanda İranın ABŞ-dakı səfirliyi məsələ ilə bağlı Beynəlxalq Futbol Assosiasiyaları Federasiyasına (FİFA) müraciət edərək vəziyyətə müdaxilə etməsini və hüquqların qorunmasını xahiş edib. Qeyd olunur ki, 2026-cı il FIFA Dünya Kuboku 11 iyun – 19 iyul tarixlərində ABŞ, Kanada və Meksikanın birgə ev sahibliyi ilə keçiriləcək.
