UEFA Çempionlar Liqasının I təsnifat mərhələsinin cavab oyununda üz-üzə gələcək Uelsin TNS və Azərbaycanın “Sabah” komandalarının start heyətləri açıqlanıb.
Elpress.az xəbər verir ki, qarşılaşma Bakı vaxtı ilə saat 21:30-da Ozuestri şəhərində yerləşən “Park Hall” stadionunda keçiriləcək.
Baş məşqçi Valdas Dambrauskas “Sabah”ı meydana aşağıdakı heyətlə buraxacaq:
Stas Pokatilov, Erivaldo Almeyda, Rəhman Daşdəmirov, Umarali Raxmonaliyev, Aleksey İsayev, İvan Lepinitsa, Aaron Maluda, Coy-Lens Mikels, Velko Simiç, Timoteuş Puxaç və Akim Zedadka.
Uels təmsilçisi TNS isə Kreyq Harrisonun rəhbərliyi altında Natan Şepperd, Dominik Korness, Cek Bodenhem, Deniel Redmond, Cordan Uilyams, Eoin Farrell, Daynel Simeu, Brobbel, Ris Hyuz və Leo Smitin yer aldığı heyətlə mübarizə aparacaq.
Qeyd edək ki, komandalar arasında Bakıda keçirilən ilk oyunda “Sabah” 2:0 hesablı qələbə qazanaraq cavab görüşü öncəsi üstünlük əldə edib.
