Səudiyyə Ərəbistanının “Əl Nəsr” klubunun ulduz futbolçusu Cristiano Ronaldo yenidən dünya futbol gündəmini zəbt edib. Sosial şəbəkələrdə yayılan yeni görüntüdə portuqaliyalı hücumçu müxtəlif ölkə çempionatlarının kubokları ilə birlikdə görüntülənib. Şəkildə İngiltərə Premyer Liqası, İspaniya La Liqası, İtaliya Serie A və Səudiyyə Pro Liqasının kubokları yer alıb.
Bu paylaşım futbol azarkeşləri arasında böyük maraq doğurub. Bir çoxları bunu Ronaldonun fərqli ölkələrdə qazandığı uğurların simvolu kimi dəyərləndirib. Təcrübəli futbolçu karyerası ərzində İngiltərədə “Manchester United”, İspaniyada “Real Madrid”, İtaliyada “Yuventus” formaları ilə çempionluqlar yaşayıb.
Hazırda “Əl Nəsr”də çıxış edən Ronaldo Səudiyyə Ərəbistanı futbolunda da tarix yazmaq niyyətindədir. Ulduz futbolçunun əsas məqsədlərindən birinin klubunu ölkə çempionluğuna və beynəlxalq uğurlara daşımaq olduğu bildirilir.
Paylaşılan görüntü futbol ictimaiyyətində “Ronaldo bütün liqalarda iz qoymağa davam edir” fikrini bir daha gündəmə gətirib.
