Azeri Light neftinin İtaliyanın Auqusta limanı üzərindən CIF şərtləri ilə satış qiyməti əvvəlki göstərici ilə müqayisədə 1,82 ABŞ dolları (1,62 faiz) yüksələrək bir barel üçün 114,14 dollara çatıb.
Elpress.az-ın məlumatına görə, Türkiyənin Ceyhan limanı üzrə FOB bazasında satılan Azeri Light neftinin bir bareli 1,85 dollar və ya 1,68 faiz bahalaşaraq 111,82 ABŞ dolları təşkil edib.
Eyni zamanda, URALS markalı neftin qiymətində də artım qeydə alınıb. Belə ki, bu markanın bir bareli əvvəlki qiymətlə müqayisədə 1,49 dollar (1,69 faiz) bahalaşaraq 89,52 dollara yüksəlib.
Şimal dənizində hasil olunan Dated Brent neftinin dəyəri də artaraq bir barel üçün 111,71 ABŞ dollarına çatıb. Bu göstərici əvvəlki qiymətdən 1,88 dollar və ya 1,71 faiz çoxdur.
Qeyd edək ki, Azərbaycanın 2026-cı il dövlət büdcəsində neftin orta ixrac qiyməti bir barel üçün 65 ABŞ dolları səviyyəsində nəzərdə tutulub.
