Aysel Əlibəyli
12 Oktyabr 2026 · 15:41
1018 baxış
Azərbaycan millisinin üzvü Cəmilə Muradlı 17 yaşadək boksçular arasında Avropa çempionatında qızıl medal qazanıb.
Elpress.az xəbər verir ki, Monteneqronun Budva şəhərində keçirilən yarışın 57 kq çəki dərəcəsində mübarizə aparan idmançımız finalda Almaniya təmsilçisi Aliya İbrahimiyə qalib gəlib. Hakimlərin yekdil qərarı ilə 5:0 hesabı qeydə alınıb.
Bu nəticə ilə Azərbaycanın çempionatdakı medal sayı dördə çatıb. Daha əvvəl Qardaş Rəhimov (54 kq), Hidayət Məmmədov (70 kq) və Xumar Cəfərli (+80 kq) bürünc medala sahib olublar.
Bu gün Azərbaycan millisinin daha dörd üzvü final görüşlərində qüvvəsini sınayacaq.
