Aysel Əlibəyli
12 Oktyabr 2026 · 15:48
1022 baxış
Rusiya Kiyevin 60 günlük atəşkəs təklifinə münasibət bildirərək münaqişənin müvəqqəti dayandırılmasından daha çox uzunmüddətli sülhün tərəfdarı olduğunu açıqlayıb.
Elpress.az xəbər verir ki, Rusiya Prezidentinin mətbuat katibi Dmitri Peskov jurnalistlərlə söhbətində Moskvanın mövqeyini ifadə edib.
Peskov bildirib ki, Ukraynada seçkilər keçiriləcəyi təqdirdə Vladimir Putin səsvermə günü zərbələrin dayandırılması barədə göstəriş verməyə hazırdır. Bununla belə, o, 60 günlük atəşkəsin Kiyevə müharibəni davam etdirmək üçün hazırlaşmaq imkanı verəcəyini iddia edib.
Qeyd edək ki, Ukrayna Prezidenti Volodimir Zelenski Rusiya tərəfinin 60 günlük atəşkəsə razılıq verəcəyi halda ölkəsində prezident seçkilərinin keçirilməsinə hazır olduğunu bildirib.
