“Leççe”nin futbolçusu Lamek Banda iki həftədir əlaqə saxlamır
Elpress.az xəbər verir ki, İtaliyanın “Leççe” klubunda çıxış edən zambiyalı futbolçu Lamek Banda ilə bağlı narahatlıq yaranıb.25 yaşlı hücumçu Zambiyada toy mərasimindən sonra klubun Avstriyada keçirilən mövsümöncəsi hazırlıq toplanışına qoşulmayıb. Məlumata görə, Banda artıq iki həftədir nə klub rəhbərliyi, nə də agenti ilə əlaqə saxlayır.Futbolçunun əvvəlcə sənədlərlə bağlı problem yaşadığı bildirilsə də, sonradan onun telefon zənglərinə cavab vermədiyi qeyd olunur. Hazırda Bandanın harada olduğu məlum deyil.Lamek Banda karyerasının əvvəlki mərhələsində Tulanın “Arsenal” klubunda da çıxış edib. O, 2019/20 mövsümündə Rusiya təmsilçisinin heyətində 13 oyuna çıxıb və bir məhsuldar ötürmə ilə yadda qalıb.2022-ci ildə “Leççe”yə keçən Banda İtaliya klubunun heyətində 109 matç keçirib, 9 qol vurub və 12 məhsuldar ötürmə edib. O, eyni zamanda Zambiya milli komandasının üzvüdür və yığmanın heyətində 22 oyunda 3 qol vurub.
