“Elit Polo” komandasının beynəlxalq yarış öncəsi açıq məşqi keçirilib
Elpress.az xəbər verir ki, Azərbaycanı çimərlik polosu üzrə “Sea Breeze 2026” beynəlxalq turnirində təmsil edəcək “Elit Polo” komandasının açıq məşqi keçirilib.Hazırlıq prosesi Binə Atçılıq və İstirahət Mərkəzində təşkil olunub. Məşq zamanı komanda üzvləri müxtəlif təmrinlər yerinə yetirib və yoxlama oyunu keçiriblər.Turnirdə Azərbaycanla yanaşı, Böyük Britaniya, İsveçrə və Rusiyanın komandaları da iştirak edəcək. Yarışda müvafiq olaraq “Elit Polo”, “Red Star Polo”, “St. Moritz” və “Moscow Polo Club” komandaları mübarizə aparacaq.Çimərlik polosu üzrə beynəlxalq turnir Azərbaycanda ilk dəfə təşkil olunacaq. Yarış “Sea Breeze” ərazisində yerləşən “Havana Beach”də keçiriləcək. Turnirdə ümumilikdə 12 poloçu iştirak edəcək və onların arasında Azərbaycan, Böyük Britaniya, İsveçrə, Rusiya, Argentina və Cənubi Afrikanı təmsil edən idmançılar olacaq.Turnirin oyunları sentyabrın 11, 12 və 13-də keçiriləcək. Hər gün saat 16:00-dan başlayaraq iki polo qarşılaşmasının təşkili nəzərdə tutulur.
