Oğurluğu əvvəlcədən planlaşdıran, maska və əlcəkdən istifadə edən şəxs saxlanılıb
Elpress.az xəbər verir ki, Şirvan şəhərində inşaat materiallarının satışı ilə məşğul olan mağazalardan birindən 18 327 manat və 800 ABŞ dolları oğurlanıb.Hadisə ilə bağlı polisə daxil olan məlumat əsasında Şirvan Şəhər Polis Şöbəsinin əməkdaşları tərəfindən əməliyyat tədbirləri keçirilib. Nəticədə oğurluqda şübhəli bilinən, əvvəllər də məhkum olunmuş 35 yaşlı Valid Əhmədov saxlanılıb.Araşdırma zamanı müəyyən edilib ki, şübhəli şəxs mağazadan oğurluq etməyi əvvəlcədən planlaşdırıb. Hadisəni törədərkən maska və əlcəkdən istifadə etdiyi də müəyyən olunub.Faktla bağlı cinayət işi başlanılıb. Məhkəmənin qərarı ilə Valid Əhmədov barəsində həbs qətimkan tədbiri seçilib.
