Aysel Əlibəyli
29 Oktyabr 2026 · 20:31
1040 baxış
Bakıda dayənin nəzarətində olan azyaşlı uşaq vəfat edib. Hadisə ilə bağlı uşağın valideynləri və yaxınları ciddi iddialar səsləndiriblər.
Elpress.az xəbər verir ki, bu barədə “Xəzər Xəbər” məlumat yayıb.
Ailənin iddiasına görə, bir neçə gün əvvəl dayənin himayəsində olan uşaq yıxılıb. Lakin dayə hadisəni valideynlərə yüngül xəsarət kimi təqdim edib və uşağın vəziyyətinin ciddi olmadığını bildirib.
Məlumatda uşağın sonradan beyninə qan sızması nəticəsində vəziyyətinin ağırlaşdığı qeyd olunur.
Hadisənin bütün təfərrüatları və uşağın ölümünün dəqiq səbəbi ilə bağlı rəsmi açıqlama təqdim olunan məlumatda yer almayıb. Səsləndirilən iddiaların hüquq-mühafizə orqanları tərəfindən təsdiqlənib-təsdiqlənmədiyi də məlum deyil.
